پشاور میں میڈیا سے گفتگو کرتے ہوئے پاکستان تحریک انصاف کے سربراہ عمران خان نے کہا ہے کہ سکول پر حملہ ہم سب کی ناکامی ہے‘ پورے پاکستان کی ناکامی ہے‘ ہمیں چاہیے کہ دہشتگردی کے خلاف سب مل کر سوچیں‘ عمران خان نے کہا کہ کل میں خود اپنی پارٹی کی طرف سے وزیراعظم کی طرف سے بلائی جانے والی آل پارٹیز کانفرنس میں شرکت کروں گا انہوں نے ایک سوال کے جواب میں کہا کہ جب میں نواز شریف ہسپتال میں میری عیادت کرنے آئے تھے تو میں نے ان سے تب ہی کہہ دیا تھا کہ دہشت گردی کے خلاف ہم آپ کے ساتھ ہیں اور آج بھی اس بات پر قائم ہوں۔صوبائی حکومت اور وفاقی حکومت دونوں اس معاملے پر مل کر کام کریں‘ ہماری پارٹی بھی اس میں ہر ممکن کردار ادا کرے گی۔ میڈیا سے بات چیت کرتے ہوئے ان کا کہنا تھا کہ کئی ایسے واقعات ہوتے ہیں جن کے بعد پوری قوم اکٹھی ہو جایا کرتی ہے‘ اب وہی وقت ہے کہ ساری قوم ایک ہو جائے۔ انہوں نے شدت پسند عناصر کو للکارتے ہوئے کہا کہ اگر اس قوم سے دشمنی ہے تو دہشت گرد ہمارے مردوں سے لڑیں‘ ہمارے بچوں پر کیوں حملے کرتے ہیں؟ دنیا میں کہیں اس طرح منصوبہ بندی کر کے بچوں کے ساتھ سکول پر حملہ نہیں کیا گیا۔ انہوں نے اعلان کیا کہ کل کنٹینر پر بچوں کی غائبانہ نماز جنازہ پڑھیں گے‘ تمام لوگوں سے اپیل ہے کہ کل ہمارے ساتھ شریک ہوں ان کا کہنا تھا کہ یہ غم کا موقع ہے ایسے وقت میں سیاست نہیں کی جانی چاہیے حکومت سے ساتھ مذاکرات اور اپنا احتجاج ملتوی کر دیا ہے۔
عمران خان کا نیا اعلان ‘ نواز شریف قدم بڑھاؤہم تمہارے ساتھ ہیں‘ اور کیا کیا کہا۔جاننے کیلئے کلک کریں
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں