حکومت اور پاکستان تحریک انصاف (پی ٹی آئی) نے باضابطہ طور پر شروع ہونے والے مذاکرات کے دوران ہونے والی پیشرفت کو عوام کے سامنے نہ لانے کا فیصلہ کیا ہے۔ حکومت اور پی ٹی آئی ذرائع کے مطابق میڈیا پر آنے والے فریقین کے بیان سے مذاکرات متاثر ہونے کا خدشہ ہےُ تاہم مذاکراتی عمل کامیاب ہو گیا تو باقاعدہ میڈیا کو بریفنگ دی جائیگی اور کسی چیز کو پوشیدہ نہیں رکھا جائیگا۔ حکومت کی جانب سے وفاقی وزیرخزانہ اسحاق ڈار‘ شاہ محمود قریشی پی ٹی آئی کی ٹیم کی قیادت کریں گے۔ پی ٹی آئی رہنما اسد عمر نے کہا کہ مذاکرات میں زیر غور آنے والے نکات کو عوام کے سامنے نہیں لایا جائے گا تاہم کامیابی کے بعد میڈیا کو بریفنگ دی جائیگی۔ اسد عمر نے کہا کہ پی ٹی آئی کی جانب سے جوڈیشل کمیشن کی تشکیل کے لیے آرڈنینس جاری کرنے کے مطالبے پر کوئی ڈیڈلاک نہیں ہے۔