جمعیت علمائے اسلام (ف) کے سربراہ مولانا فضل الرحمن کی پریس کانفرنس پر رہنما تحریک انصاف عالیہ حمزہ نے رد عمل کااظہار کرتے ہوئے کہا ہے کہ اپوزیشن نے 48 گھنٹوں میں تحریک عدم اعتماد لانے کے بلند و بانگ دعوے کیے،اب سنا ہے عدم اعتماد کی تحریک کی ‘‘کمر میں بھی چْک پڑ گئی ہے۔ اپنے بیان میں عالیہ حمزہ نے کہاکہ مفاد پرستوں کا ٹولہ کبھی بھی متحد نہیں ہو سکتا۔ انہوںنے کہاکہ تیل کی قیمتوں میں کمی کر کے وزیراعظم عمران خان نے اپوزیشن کے تِلوں کا تیل تو نکال ہی دیا تھا ۔ عالیہ حمزہ نے کہاکہ عوام کو ریلیف ملنے سے اپوزیشن رہنماوں کی چیخیں نکل رہی ہیں،تحریک عدم ’’اعتماد‘‘کی تحریک میں بھی اب اعتماد نہیں رہا۔ عالیہ حمزہ نے کہاکہ لگے ہاتھوں مولانا عدم اعتماد کا جنازہ بھی پڑھا دیں۔

موضوعات:عالیہ حمزہ