لاس اینجلس(نیوز ڈیسک)ایکشن فلم فنٹاسٹک فور سیریز کی تیسری فلم آج ریلیز ہو رہی ہے، سپر ہیروز کے کردار پر مبنی فلم کے پہلے دو حصوں کی شاندار کامیابی کے بعد اس فلم کے بلاک بسٹر ثابت ہونے کا دعویٰ بھی پہلے ہی کر دیا گیا ہے۔ ایکشن اور ماردھاڑ سے بھرپور یہ فلم مارول کامک بک کی کہانی فنٹاسٹک فور سے ماخوذ ہے جس میں چار سپر ہیروز کا گروپ دوسرے سیارے کے دشمنوں سے دنیا کو تباہی سے بچاتے ہوئے دکھائی دے گا۔فلم کے ہدایتکار جوش ٹرینک ہیں جب کہ جارج گڈمین اور سمون کِن برگ اس کے پروڈیوسر ہیں۔ فلم کا سکرین پلے بھی سمون کِن برگ، جیری سلیٹر اور جوش ٹرینک نے مل کر تحریر کیا ہے۔ فلم میں مائلز ٹیلر، مائیکل بی جورڈن، کیٹ مارا، جیمی بیل اور ٹوبی کیبل اہم کرداروں میں دکھائی دیں گے۔فلمی ماہرین کے مطابق باکس ا?فس کی پہلی دو پوزیشنیں فنٹاسٹک فور اور مشن امپوسیبل روگ نیشن کے پاس رہنے کا امکان ہے۔ فلم ویک اینڈ پر پوری دنیا سے 33 کروڑ80 لاکھ ڈالر کا کاروبار کر سکتی ہے۔ ٹام کروز کی فلم مشن امپوسیبل روگ نیشن سے اس ہفتے مزید دو کروڑ پچھتر لاکھ ڈالر کا بزنس کرنے کی توقع ہے۔