واشنگٹن (نیوز ڈیسک)بالی وڈ اداکار سلمان خان، امیتابھ بچن اور اکشے کمشار گزشتہ سال سب سے زیادہ کمائی کرنے والے پہلے 10 اداکاروں کی فہرست میں شامل ہیں۔امریکی جریدے فوربز کی 2015 میں سب سے زیادہ کمائی کرنے والے اداکاروں کی فہرست جاری کی ہے جس میں سلمان خان اور امیتابھ 45.4 ملین ڈالر کما کر ساتویں جبکہ اکشے کمار 44 ملین ڈالر حاصل کر کے آٹھویں نمبر پر ہیں۔ہولی وڈ ایکشن سیریز آئرن مین کے سپر ہیرو رابرٹ ڈاو جونیئر سر فہرست رہے۔انہوں نے ایک سال کے دوران 108.4 ملین ڈالر کمائے جب کہ چینی اداکار اور مارشل آرٹ اسٹار جیکی چن 67.8 ملین ڈالر کما کر دوسرے نمبر اور وین ڈیزل 63.7 ملین ڈالر کما کر تیسرے نمبر پر رہے۔دلچسپ بات یہ ہے کہ اس فہرست میں کوئی پاکستانی اداکار شامل نہیں ہے۔اس فہرست کو نظر میں رکھتے ہوئے صرف ایک پاکستانی اداکار فواد خان کا نام ذہن میں آتا ہے تاہم وہ اس فہرست میں جگہ بنانے میں ناکام رہے۔حیرانی کی بات یہ ہے کہ بالی وڈ کے کامیاب اداکار شاہ رخ اور عامر خان بھی ٹاپ 10 میں شامل نہیں ہیں۔