راولپنڈی (آن لائن)آ رمی چیف جنرل قمرجاوید باجوہ نے کہا ہیکہ پرامن اور خوشحال افغانستان کے لیے کوششوں کو یکجا کرنے کی ضرورت ہے۔ آئی ایس پی آر کی طرف سے جاری بیان کے مطابق آر می چیف جنرل قمر جاوید باجوہ سے چین اور روس کے

افغانستان سے متعلق نمائندوں نے الگ الگ ملاقاتیں کیں۔ملاقاتوں میں باہمی دلچسپی کے امور، افغانستان اور علاقائی سلامتی کی موجودہ صورتحال سمیت مختلف شعبوں میں دوطرفہ تعاون پر تبادلہ خیال کیا گیا۔آئی ایس پی آر کے مطابق چین کے نمائندہ خصوصی ژو ژواؤ ژونگ سے ملاقات کے دوران آرمی چیف نے علاقائی استحکام کے تناظر میں پرامن اور خوشحال افغانستان کے لیے کوششوں کو یکجا کرنے کی ضرورت پر زوردیا ۔ آئی ایس پی آر کے مطابق افغانستان کیلئے روس کے نمائندہ خصوصی زامیر کابولوف سے نے ملاقات کے دوران آرمی چیف نے کہا کہ پاکستان روس کیساتھ باہمی رابطوں کے فروغ کاخواہاں ہے روس کے ساتھ دورس کثیرالنوعیت تعلقات چاہتے ہیں۔ انہوں نے کہا افغانستان میں انسانی المیہ سے بچنے کیلئے عالمی توجہ کی ضرورت ہے۔ چین اور روس کے نمائندوں نے افغان امن عمل میں پاکستان کے کردار، بارڈر مینجمنٹ اورعلاقائی استحکام میں کردار کو سراہتے ہوئے پاکستان کے ساتھ ہر سطح پر سفارتی تعاون میں مزید بہتری کے لئے اپنا کردار ادا کرنے کا اعادہ کیا۔