اسلام آباد (این این آئی)قومی کرکٹ ٹیم کے وکٹ کیپر بیٹسمین محمد رضوان بھارتی کرکٹ ٹیم میں شامل مسلمان کھلاڑی محمد شامی کی حمایت میںمیدان میں آگئے ۔محمد رضوان نے محمد شامی کا ایک پورٹریٹ اپنے ٹوئٹر اکاؤنٹ پر شیئر کرتے ہوئے کہا کہ ایک کھلاڑی کو اپنے ملک اور اس کے لوگوں کے لیے جس طرح کے دباؤ، جدوجہد اور قربانیوں سے گزرنا پڑتا ہے وہ ناقابلِ بیان ہے۔

انہوں نے محمد شامی کو ٹیگ کرتے ہوئے کہا کہ شامی ایک اسٹار ہے اور واقعی دنیا کے بہترین باؤلرز میں سے ہے۔محمد رضوان نے کہا کہ براہِ کرم اپنے اسٹارز کا احترام کریں۔ دوسری جانب پاکستان کے سابق اسپیڈاسٹار شعیب اختر بھارتی مسلمان فاسٹ بولر محمد شامی کے دفاع میں آگئے۔ ایک انٹرویومیں شعیب اختر نے کہا کہ محمدشامی کیساتھ کھڑا ہوں جو ان کے خلاف باتیں کی گئیں غلط ہے۔شعیب اختر نے کہا کہ محمدشامی کیساتھ بہت غلط کیا جا رہا ہے انہوں نے بھارت کیلئے بہت کرکٹ کھیلی ہے انہیں صرف مسلمان ہونیکی وجہ سے نشانہ بنایا جا رہا ہے۔انہوں نے کہا کہ پاکستان نے بتایا کہ ہم عالمی کھلاڑی ہیں اور کرکٹ جانتے ہیں بھارت اپنی وجہ سے ہارا ہے ?بھارتی ٹیم پر بھارت کا ہی دباؤ تھا ہم بڑی باتیں نہیں کرتی ہم میدان میں کھیل کر دکھاتے ہیں۔سابق اسپیڈاسٹار نے کہا کہ پاکستان کو ڈی مورالائز کیا گیا عالمی ٹیمیں یہاں آنے کو تیار نہیں ہمیں یہ میچ کھیلنا اور جیت کردکھانابہت ضروری تھا، مورال بوسٹر کیلئے ہمیں یہ میچ جیتنابہت ضروری تھا بھارتیوں کو جانتا ہوں باتیں بڑی کرتے ہیں اورکچھ نہیں۔