اسلام آباد (نیوز ڈیسک)اسرائیل کی طرف سے قطر پر کیے گئے فضائی حملے پر ایران کا رد عمل بھی آگیا۔الجزیرہ کے مطابق ایرانی وزارت خارجہ نے دوحہ میں حماس حکام کو نشانہ بنانے والے اسرائیلی حملے کو بین الاقوامی قوانین کی سنگین خلاف ورزی قرار دیا ہے۔
ایرانی میڈیا کے مطابق وزارت خارجہ کے ترجمان نے اس اقدام کو ’’انتہائی خطرناک‘‘ اور ’’جرمانہ‘‘ کارروائی قرار دیا۔ترجمان اسماعیل بقائی نے سرکاری ٹی وی سے گفتگو میں کہا کہ ’’یہ نہایت خطرناک اور مجرمانہ اقدام تمام بین الاقوامی قوانین و ضوابط کی کھلی خلاف ورزی ہے، ساتھ ہی یہ قطر کی قومی خودمختاری اور علاقائی سالمیت پر براہِ راست حملہ ہے۔‘
