اسلام آباد (مانیٹرنگ ڈیسک /این این آئی)بھارتی اداکارہ شاہ رخ خان کے بیٹے آریان خان کے کیس میں نئے انکشافات آنے کا سلسلہ جاری ہے ۔حال ہی میں ان کی ضمانت منسوخ ہونے کے بعد گزشتہ روز شاہ رخ خان اپنے بیٹے سے ملاقات کیلئے جیل پہنچے تھے ۔ جہاں انہوں نے بیٹے سے ملاقات کی اور دونوں ایک دوسرے کے گلے لگ کر رو بھی پڑے تھے ۔

آریان خان کے قریبی دوست ان مسلسل گوری خان اور سہانا خا ن سے خبروں کیلئے رابطے میں ہیں ۔ آریان خان کے قریبی دوست نے کہا ہے کہ میں انہیں ذاتی طور پر جانتا ہوں ، انہوں نے انڈسٹری کی بجائے باہر سے دوست بنانے کو ترجیح دی ان کے زیادہ تر دوست امریکااور برطانیہ میں مقیم ہیں جبکہ چاند دوست ان کے خاندان سے ہیں ۔میڈیا رپورٹس میں یہ دعویٰ کیا گیا ہے کہ آریان گرفتاری سے قبل کچھ غیر ملکی دوستوں کے ہمراہ امریکا روڈ ٹرپ کا منصوبہ بھی بنا رہے تھے ۔ دوسری جانب بھارتی ادارے این سی بی کا دعویٰ میں کہنا ہے کہ بالی ووڈ اداکارہ انینا پانڈے کی جانب سے آریان خان کیلئے منشیات کے بندوبست کیلئے راضی تھیں ۔ بھارتی میڈیا کے مطابق آریان خان اور انینا پانڈے کے مابین واٹس ایپ چیٹ میں انکشاف سامنے آیا ہے کہ آریان خان نے انینا سے کہا ہے کہ وہ گانجے کا بندوبست کر سکتی ہے ؟ جس کے جواب میں بھارتی اداکارہ نے آریان سے کہا ہےکہ میں تمہارے لیے گانجے کا انتظام کروں گی ۔ واضح رہے کہ گزشتہ روز اداکار شاہ رخ خان نے آج صبح ممبئی کی سینٹرل جیل میں اپنے بیٹے آریان سے ملاقات کی۔رپورٹس کے مطابق شاہ رخ اور آریان کی جیل میں ملاقات کا دورانیہ 18 منٹ پر مشتمل تھا اور شاہ رخ کو جیل کے قیدی میٹنگ سیکشن میں آریان سے بات چیت کے لیے انٹرکام فراہم کیا گیا۔ملاقات کے دوران آریان اور شاہ رخ دونوں ایک دوسرے کو دیکھ کر جذباتی ہوگئے اور زاروقطار رو دیے۔منشیات کیس میں نارکوٹکس کنٹرول بیورو (این سی بی) کی جانب سے گرفتاری کے بعد یہ پہلا موقع تھا کہ جب آریان خان نے خاندان کے کسی فرد سے ملاقات کی۔رپورٹس میں بتایا گیا ہے کہ پہلے شاہ رخ بیٹے کو دیکھ کر آنسو ضبط نہ کر پائے جسے دیکھ کر آریان بھی رونے لگا جب کہ دونوں کے درمیان گفتگو کا آغاز آریان نے معافی مانگ کر کیا جس پر شاہ رخ نے جواب دیا کہ مجھے تم پر بھروسہ ہے۔میڈیا رپورٹس کے مطابق سکیورٹی صورتحال کے سبب وہ علاقہ اس وقت خالی کرالیا گیا جب شاہ رخ ملاقات کیلئے آئے تاہم ملاقات جیل حکام کی موجودگی میں ہوئی، آریان اور شاہ رخ خان کے درمیان شیشے کی دیوار اور جنگلا تھا۔علاوہ ازیں ممبئی کروز شِپ کیس میں گرفتار بالی ووڈ کنگ شاہ رخ خان کے بیٹے آریان خان کی ضمانت کی درخواست پر ممبئی ہائی کورٹ میں 26 اکتوبر بروز منگل کو سماعت ہوگی۔بھارتی میڈیا رپورٹس کے مطابق منشیات کیس میں گزشتہ روز ممبئی کی خصوصی عدالت کی جانب سے آریان خان کی درخواستِ ضمانت مسترد ہونے کے بعد اْن کے وکیل نے ہائی کورٹ سے رجوع کیاتھا۔ممبئی کی عدالت کی جانب سے آریان خان کی درخواستِ ضمانت چار بار مسترد کی گئی ہے اور اسی وجہ سے اب اْن کے وکیل نے ممبئی ہائی کورٹ سے رجوع کیا ہے۔