اسلام آباد(مانیٹرنگ ڈیسک /این این آئی)طالبان حکومت نے مریضوں کے داخلے کیلئے پاکستان پالیسی نرم کرنے کی اپیل کر دی ۔ تفصیلات کے مطابقپاک افغان سرحد طورخم بارڈر پر ایمبولنس کی لمبی قطاریں لگ گئیں۔ طالبان کے نئے سرحدی انچارج سید غازی اللہ کہتے ہیں کہ پاکستان سے درخواست کی ہے کہ وہ مریضوں کے داخلے کیلئے پالیسی میں نرمی کرے۔دوسری جانب افغانستان کے عبوری نائب وزیراعظم
ملا عبدالغنی برادر کا کہنا ہے جن ملکوں کو ہم سے مسائل ہیں ان سے مذاکرات کے لیے تیار ہیں۔میڈیارپورٹس کے مطابق کابل میں غیر ملکی سفیروں کے اعزاز میں عشائیے کا اہتمام کیا گیا جس سے ملا عبدالغنی برادر نے خطاب کیا۔افغانستان کے قائم مقام وزیر خارجہ امیر خان متقی نے اس موقع پر کہا کہ ذمہ دار ریاست کے طور پر افغانستان اپنی سرزمین پر سفارتکاروں کو سیکیورٹی فراہم کرنے کے لیے پرعزم ہے۔
