اسلام آباد (این این آئی)وزیر منصوبہ بندی ، ترقی اور خصوصی اقدامات اسد عمر کی صدارت میں این سی او سی کا اجلاس ہوا جس میں بیماری میں بتدریج کمی کے رجحان کے مدنظر ، فورم نے 22 ستمبر 2021 کے بعد بیماری کے شدیدپھیلاؤ والے اضلاع (لاہور ، فیصل آباد

، ملتان ، سرگودھا ، گجرات اور بنوں) سے اضافی پابندیاں ہٹانے کا فیصلہ کیا گیا ، ملک بھر کے لیے عمومی این پی آئیز 30 ستمبر 21 تک نافذ رہیں گی جن کا جائزہ 28 ستمبر 21 کو این سی او سی میں ہوگا۔اعلامیہ کے مطابق این سی او سی میں روزانہ کی بنیاد پر بیماری کے پھیلاؤ اور صحت کی دیکھ بھال کے نظام کی قریبی نگرانی کی جا رہی ہے اور جب بھی بیماری کے پھیلاؤ کو کنٹرول کرنے کی ضرورت پیش آئی تو اس مناسبت سے فیصلے کیے جائیں گے۔اعلامیہ کے مطابق سائنو فارم ویکسین کی وافر مقدار میں موجودگی کے تناظر میں عوام بلا تاخیر اپنے قریبی ویکسینیشن سینٹر سے سائینو فارم ویکسین لگوا کر اپنے ویکسینیشن عمل کو مکمل کر سکتے ہیں۔