اسلام آباد (مانیٹرنگ ڈیسک )گزشتہ دنوں ایک ویڈیو سوشل میڈیا پر تیزی کیساتھ وائرل ہوئی جس پر صارفین نے شدید غصے کا اظہار کیا ہے ۔ تفصیلات کے مطابق سوشل میڈیا پر ایک کمسن بچے کی ویڈیو وائرل ہوئی جس میں اس کا موٹرسائیکل میکنک استاد اسے کسی چیز کیساتھ مار رہا ہے جبکہ وہ بچہ مسلسل اپنے استاد سے معافی مانگ رہا ہے لیکن میکنک کو اس کی منت سماجت کا کوئی فرق نہیں پڑا ۔ ویڈیو سامنے آنے پر سی سی پی او لاہور غلام محمود ڈوگر نے پولیس کو ملزم کو ٹریس کرکے گرفتار کرنے کا حکم دیا ۔جس پر شاہدرہ پولیس نے چند گھنٹوں میں ملزم کو ٹریس کرتے ہوئے گرفتار کرلیا،پولیس کے مطابق ملزم وقار کے خلاف قانونی کارروائی جاری ہے۔پولیس کی گرفتاری کے بعد موٹر میکنک نے ایک ویڈیو پیغام بھی جاری کیا جس میں وہ بچے اور اس کے گھر والوں سےمعافی مانگ رہا ۔