لندن (مانیٹرنگ ڈیسک) سابق وزیر اعظم میاں محمد نواز شریف نے لندن میں گارڈز پولو کلب میں پولو میچ دیکھا جس میں ان کے نواسے جنید صفدر نے کیمبریج یونیورسٹی کی جانب سے حصہ لیا۔روزنامہ جنگ میں سعید نیازی کی شائع خبر کے مطابق میاں محمد نوازشریف کو تصاویر میں فیملی کے دیگر افرادکےساتھ دیکھا جاسکتا ہے جبکہ ایک تصویر میں وہ اپنے پوتے زید حسین کے ساتھ بیٹھے ہیں جبکہ دوسری تصویر جو کہ علی ڈار نے پوسٹ کی ہے ان کے ساتھ بیٹھے ہیںپولو میچ کا اختتام آکسفورڈ یونیورسٹی نے جیت لیا، جنید کے گھوڑے کو بہترین پونی کا اعزاز دیا گیا،جنید صفدر کیمبریج یونیورسٹی کے سینیئر ساتھیوں کے ہمراہ نظر آرہے ہیں۔یہ کہا جاتا ہے کہ جنید صفدر دوسرے پاکستانی ہیں جنہوں نے یہ میچ کھیلا اس سے پہلے جسٹس یحییٰ آفریدی نے اپنے اسکول کے زمانے میں کھیلا تھا۔