اسلام آباد (این این آئی)صدر مملکت ڈاکٹر عارف علوی نے کہا ہے کہ مسلم امّہ اسرائیل کے خلاف سخت قدم اٹھانے کی صلاحیت نہیں رکھتی، قابض کے خلاف حماس کے راکٹ حملے جائز ہیں۔ نجی ٹی وی کے مطابق برطانوی خبررساں ادارے کو خصوصی انٹرویو دیتے ہوئے صدرِ مملکت نے اعتراف کیا کہ مسلم امّہ میں اسرائیل کے خلاف خود قدم اٹھانیکی صلاحیت نہیں کیونکہ ہم کمزور ہیں۔
ڈاکٹر عارف علوی نے کہا کہ ہم نے بھی تمام ممالک کی طرح اسرائیلی جارحیت کی بس مذمت کی، عالمی سطح پر مسلمان خود کمزور ہیں، اسی لیے ہمیں طاقت ور کی آواز سننا پڑے گی۔صدر مملکت نے کہا کہ کسی قابض کے خلاف مزاحمت عالمی قوانین کے تحت جائز ہے،اْن کا مزید کہنا تھا کہ مسلم امہ بس رائے استوار کرنیکی کوشش کر رہی ہے کیونکہ اسلامی ممالک کمزور ہیں۔
