اسلام آباد (این این آئی) نیشنل کمانڈ اینڈ آپریشن سینٹر (این سی او سی) نے ایس او پیز کے ساتھ سیاحت کھولنے کی اجازت دیدی۔وفاقی وزیر اسد عمر کی زیر صدارت این سی او سی کا اجلاس ہوا، اجلاس میں این سی او سی نے فیصلہ کیا کہ کورونا مثبت کیسز کی 5 فیصد سے کم شرح والے اضلاع میں اسکول کھولے جاسکیں گے۔24 مئی سے ملک بھر میں 5 فیصد سے کم شرح والے اضلاع میں مرحلہ وار سکول کھولنے کی اجازت ہو گی، ریسٹورنٹس کو رات 12 بجے تک آؤٹ ڈور سروس کی

اجازت دے دی گئی، ٹیک اوے 24 گھنٹے کھلا رہے گا۔این سی او سی کے فیصلے کے مطابق ڈیڑھ سو افراد کے ساتھ اوپن ایئر میرج ہال میں یکم جون سے تقریبات کی اجازت ہوگی، مزار، سینما، انڈور ڈائننگ، انڈور جم اور پارکس بدستور بند رہیں گے۔این سی او سی کا کہنا ہے کہ یکم جون سے کھولے جانیوالے سیکٹرز کاجائزہ27 مئی کو لیا جائے گا۔تاہم مزارات، سنیما، ان ڈور ڈائننگ، ان ڈور جم اور پارکس بدستور بند رہیں گے جب کہ ہفتہ اتوار کو بین الصوبائی ٹرانسپورٹ بھی بند رہیگی۔