لاہور( این این آئی )صوبائی وزیر ماحولیات بائو رضوان اور سیکرٹری ماحولیات زاہد حسین کے درمیان محکمانہ معاملات پر شدید جھگڑا ہوا،بائو رضوان اور زاہد حسین ایک دوسرے کو سنگین نتائج کی دھمکیاں دیتے رہے،سیکرٹری ماحولیات زاہد حسین دفتر سے نکل گے۔ نجی ٹی وی نے ذرائع کے حوالے سے کہا ہے کہ کچھ عرصہ سے صوبائی وزیر اور سیکرٹری ایک دوسرے پر کرپشن کے الزامات لگا رہے تھے۔ دونوں کے درمیان محکمانہ چپقلش چل رہی تھی، گزشتہ روز بائو رضوان اور سیکرٹری آمنے سامنے آگئے،سیکرٹری ماحولیات زاہد حسین شدید سیاسی دبا ئوکی شکایات بھی دے چکے ہیں، بائو رضوان نے الزام لگایا ہے کہ سیکرٹری اپنے عزیزو اقارب کو نواز رہے ہیں۔