واشنگٹن۔۔۔۔امریکہ کے محکمِہ خارجہ کے مطابق پاکستان فوج کے چیف آف آرمی سٹاف جنرل راحیل شریف اتوار کو امریکہ کے وزیرِ خارجہ جان کیری سے ملاقات کر رہے ہیں۔واشنگٹن میں بی بی سی کے نامہ نگار برجیش اپادھیائے کے مطابق ملاقات میں علاقائی سکیورٹی صورتِ حال، افغانستان سے بیرونی افواج کے انخلا اور افغانستان میں امریکی افواج کے معاملات پر بات چیت کرنے کا امکان ہے۔
پاکستانی فوج کے سربراہ کا یہ پہلا سرکاری دورہ امریکہ تھا جس میں انھوں نے اعلیٰ عسکری اور سیاسی حکام سے ملاقاتیں کیں۔ہمارے نامہ نگار کے مطابق ان کا سرکاری دورہ پہلے ہی ختم ہو چکا ہے تاہم نجی معاملات کی بنا پر انھوں نے اپنے دورے میں توسیع کر دی تھی۔ اب وہ پیر کی صبح اسلام آباد کے لیے روانہ ہو جائیں گے۔جنرل راحیل شریف نے بدھ 19 نومبر کو واشنگٹن میں امریکی سینیٹ کی خارجہ امور کی کمیٹی کے ارکان سے تھی جہاں پاکستان کے فوج کے تعلقات عامہ کے ادارے ایس پی آر کے مطابق انھوں نے کہا تھا کہ کہ پاکستانی فوج دہشت گردوں کے خلاف فیصلہ کن کارروائی میں مصروف ہے اور آخری دہشت گرد کے خاتمے تک آپریشن جاری رہے گا۔آئی ایس پی آر کے مطابق جنرل راحیل نے کمیٹی کو بتایا تھا کہ پاکستانی فوج فاٹا میں اس بات کو یقینی بنائے گی کہ وہاں سے فرار ہونے والے دہشت گرد واپس نہ آ سکیں اور نہ ہی پاکستانی سرزمین پر اپنے آپریشنل اڈے قائم کر سکیں۔آئی ایس پی آر کا کہنا تھا کہ سینیٹ کی امورِ خارجہ کی کمیٹی کے ارکان نے بھی جنرل راحیل سے ملاقات کے بعد شمالی وزیرستان میں جاری آپریشن کے نتائج کو سراہا۔بیان کے مطابق امریکی سینیٹ کی خارجہ امور کی کمیٹی نے تسلیم کیا تھا کہ پاکستانی افواج کے کامیاب آپریشن کی وجہ سے شمالی وزیرستان میں شدت پسندوں کا کمانڈ اینڈ کنٹرول انفراسٹرکچر تباہ ہوگیا