اسلام آباد(این این آئی) وزیر ریلوے اعظم خان سواتی نے حافظ حسین کو ہیرا قرار دیتے ہوئے پی ٹی آئی میں شمولیت کی دعوت دیدی۔ نجی ٹی وی کے مطابق اعظم سواتی نے کہاکہ میں دو ہزار تین میں جے یو آئی میں شامل ہوا اور دوہزار گیارہ میں سینیٹ سے استعفیٰ دیا، اس
عرصے میں جے یو آئی (ف) کی مالی ضروریات پوری کرتا رہا۔اعظم سواتی نے حافظ حسین احمد کو انمول ہیرا قرار دیتے ہوئے کہا کہ کاش وہ پی ٹی آئی میں شامل ہوجائیں، انہوں نے انکشاف کیا کہ حافظ حسین کو دوہزار گیارہ میں کئی بار عمران خان کے پاس لیکر گیا تھا، فضل الرحمان نے نجانے کیوں محمد حسین کو قابلیت کے باوجود پیچھے رکھا، حافظ حسین احمد کو وہ مقام اور عزت نہیں دی جس کے وہ حق دار ہیں۔اعظم سواتی نے بتایا کہ جے یو آئی کی ہیجانی کیفیت کا باب مولانا شیرانی سے شروع ہوا، مولانا شیرانی زیرک سیاستدان اور اعلیٰ ترین عالم دین ہیں، ان کا علم بغاوت حق او رسچ کی آواز ہے یہ علما کی تاریخ دہرا رہے ہیں، اعظم سواتی نے مولانا شجاع الملک کو بھی بہادر،سچااورکھرا انسان قرار دیتے ہوئے کہا کہ پورے پاکستان کے علمام ولانا شجاع الملک کی آواز سنیں۔وزیر ریلوے نے ہا کہ سینیٹر راحت حسین کی فضل الرحمان پر تنقید بھی وزن رکھتی ہے، مولانا راحت حسین نے کبھی غلط بات نہیں کی، اکرم درانی اچھا دوست ہے اور وہ پارٹی کو مضبوط بنانے کیلئے ملکر کام کرتے رہے۔
