واشنگٹن( آن لائن)امریکہ میں کورونا وائرس سے لڑنے والی کورونا ٹاسک فورس کے اہم رکن ڈاکٹر انتھونی فاؤچی نے چینی لیبارٹری میں وائرس کی پیدائش سے متعلق صدر ڈونلڈ ٹرمپ کا مؤقف مسترد کر دیا۔ نیشنل انسٹی ٹیوٹ آف الرجی اینڈ انفیکشیس ڈزیزز کے سر براہ انتھونی فاؤچی نے ایک انٹرویو میں کہا کہ سائنسی
شواہد یہ بتاتے ہیں کہ یہ وائرس لیبارٹری میں نہیں بنا، غالب امکان یہی ہے کہ یہ وائرس چمگادڑوں سے انسانوں میں منتقل ہوا اور پھیل گیا۔انھوں نے کہاکہ اگر چمگادڑوں میں وائرس کے ارتقاء کو دیکھیں تو ٹھوس سائنسی ثبوت اس بات کی نفی کرتے ہیں کہ اسے مصنوعی طور پر یا جان بوجھ کر ہیرا پھیری کر کے بنایا گیا ہو۔
