واشنگٹن(این این آئی)کورونا وائرس کے پھیلا کے خدشے کی وجہ سے لگائی جانے والی امر یکی سفری پابندیوں نے نیا اقتصادی بحران پیدا کر دیا ہے۔میڈیارپورٹس کے مطابق امریکا نے سفری پابندیوں کا دائرہ کار 28 ممالک تک بڑھا کر برطانیہ اور آئرلینڈ سے آنے والے مسافروں پر بھی امریکا میں داخلے پر پابندی عائد کر دی ہے۔

امریکی سفری پابندیوں کے باعث برطانوی ائیر لائنز پر قیامت ٹوٹ پڑی اور مشکلات کا شکار برٹش ائیر ویز کو مزید خسارے کا سامنا ہونے کا خدشہ ہے۔ خیال رہے کہ برٹش ائیر ویز کو لندن نیویارک پروازوں سے سالانہ 100 ارب ڈالر آمدنی حاصل ہوتی ہے۔دوسری جانب بدحالی کی شکار ورجن اٹلانٹک ائیرویز بھی برطانوی حکومت سے ساڑھے 7 ارب پانڈکے بیل آوٹ پیکیج کی منتظر ہے۔علاوہ ازیں برطانیہ میں ہالیڈے سیزن پر پیداہونے والی 5 لاکھ نوکریاں جان لیوا کورونا وائرس کے سبب منجمد ہو گئے ہیں۔خیال رہے کہ دنیا بھر کورونا وائرس کی وجہ سے معیشت کو شدید خطرہ لاحق ہے، دنیا میں کورونا وائرس کے پھیلا کے خدشے کے پیشِ نظر جہاں متعدد کمپنیوں نے اپنے دفاتر بند کر دیے ہیں وہیں بڑی بڑی عالمی کانفرنسز، نمائشیں اور کھیلوں کے مقابلے منسوخ کیے جا چکے ہیں۔کورونا وائرس کے خوف اور عالمی مارکیٹ میں تیل کی قیمتوں میں بھی شدید کمی نے عالمی اسٹاک مارکیٹس بٹھا دیں ہیں۔