اسلام آباد(نیوزڈیسک)ڈیرہ اسماعیل خان میں 2 گروپوں کے درمیان تصادم اورفائرنگ سے 3 افراد جاں بحق اور8 افراد زخمی ہوگئے،لاشوں اور زخمیوں کو سول ہسپتال منتقل کر دیا گیا،2 کی حالت تشویشناک ہے، شہر بھر کے بازار اور مارکیٹیں بند کر دی گئیں اور ٹرانسپورٹ بند ہونے سے سڑکیں سنسان ہوگئیں،علاقے میں شدید خوف و ہراس پھیل گیا،پولیس نے علاقے گھیرے میں لیکر گومل مارکیٹ کو سیل کر دیا۔تفصیلات کے مطابق بدھ کے روزشہر کے مین چوگلہ کے قریب گومل مارکیٹ میں دو گروپوں مہاجرین اور پٹھانوں کے درمیان ہاتھاپائی ہوئی اور ڈنڈوں کا آزادانہ استعمال سے لڑائی شدت اختیار کر گئی اور فائرنگ کے تبادلے میں3 افراد موقع پر ہی جاں بحق اور8 افراد زخمی ہوگئے ،لاشوں اور زخمیوں کو سول ہسپتال منتقل کر دیا گیا جہاں زخمیوں کو بنیادی طبی امداد فراہم کی جارہی ہے ،ہسپتال انتظامیہ کے مطابق 2 زخمیوں کی حالت تشویشناک ہے جنہیں پشاور لیڈی ریڈنگ ہسپتال ریفر کر دیا گیا ہے۔واقعہ کے بعدپولیس کی بھاری نفری جائے وقوعہ پر پہنچ گئی اورحالات کو کنٹرول کر لیا تاہم تاجربرادری نے پٹھان گروہ کے خلاف شدید احتجاج کیا،واقعہ کے بعد علاقے میں شدید خوف وہراس پھیل گیاجس سے شہر بھر کے بازار اور بارکیٹس بند ہوگئیں اور ٹرانسپورٹ بند ہونے سے سڑکیں سنسان ہوگئیں۔واضح رہے کہ گزشتہ روز بچوں کے تنازع پر دو گروپوں میں تصادم ہوا اور روزانہ نوک جھونک جاری رہی تاہم بدھ کے روزدونوں گروپوں میںتنازع شدت اختیار کر گیاجس سے فائرنگ کے نتیجے میں 3 افراد اپنی جانوں سے ہاتھ دھو بیٹھے۔