اسلا م آباد(نیوزڈیسک)احتساب بیور و نے کارروائی کرکے لائنز ایریا ری ڈیولپمنٹ پراجیکٹ کے پانچ اعلیٰ افسران کو گرفتار کرلیا ہے۔ ذرائع کے مطابق گرفتار افسران میں ڈپٹی ڈائریکٹر لائنز ایریا ری ڈلولپمنٹ پراجیکٹ فرید نسیم، ایڈیشنل ڈائریکٹر عطا عباس، ایڈیشنل ڈائریکٹر راشد نسیم ، ڈائریکٹَر وسیم اقبال اور ڈپٹی ڈائریکٹر شاہد عمر شامل ہیں۔ ذرائع نے بتایا کہ گرفتار افسران لائنز ایریا ڈلولپمنٹ پراجیکٹ میں 1200 پلاٹس کی خورد برد میں ملوث ہیں۔ خورد برد کیے جانے والے پلاٹس کی مالیت ساڑھے چار ارب روپے کے لگ بھگ ہے۔ گرفتار افسران نے پلاٹس کی نیلامی کے بجائے چائینہ کٹنگ کے ذریعے بلڈرز اور قبضہ مافیا کو پلاٹ بیچ دئیے ہیں۔ پلاٹس کمیشن اور رشوت کے عوض بیچے گئے ہیں۔ ذرائع نے بتایا کہ حاصل ہونے والی رقم دہشتگردی اور دہشت گردوں کی مالی معاونت کے لیے استعمال کی جاتی تھی۔