اسلام آباد(مانیٹرنگ ڈیسک) پی ٹی آئی رہنما شوکت بسرا کا کہنا ہے کہ مولانا فضل الرحمن اسلام آباد میں کسی قسم کا دھرنا نہیں دیں گے۔ جلسے جلوس کرنا سیاسی جماعتوں کا حق ہوتا ہے۔تحریک انصاف نے خود بھی جلسے کیے لیکن دھرنا دینا اپوزیشن کے بس کی بات نہیں۔شوکت بسرا نے کہا کہ مولانا فضل الرحمن کو کیا معلوم کہ شہباز شریف کیا کر رہے ہیں، یا آصف علی زرداری ان سے کون ساکام لیں گے۔اگر ان کے پاس
لوگ ہوتے تو یہ جیل میں پڑی اپنی قیادت کو باہر نکلوانے کے لیے دھرنا دیتے۔شوکت بسرا نے مزید کہا کہ مولانا فضل الرحمن کے پاس ان کے کچھ دوست گئے اور چند فائلیں دکھائیں۔وہ لوگ مولانا فضل الرحمن کے آگے فائلیں رکھ کر باہر چلے گئے تھے۔تھوڑی دیر بعد جب وہ اندر آئے تو مولانا صاحب پسینے میں شرابور تھے،ان کی حالت خراب تھی اور کہا کہ میرے لیے کیا حکم ہے۔مولانا نے کہا کہ مجھے کوئی فیس سیونگ دی جائے۔یاد رہے کہ فضل الرحمن نے رواں ماہ آزادی مارچ کا اعلان کررکھاہے ۔
