واشنگٹن (این این آئی)امریکی سینیٹر برنی سینڈرز نے مقبوضہ جموں و کشمیر کی تشویشناک صورتحال پر کہاہے کہ سیکیورٹی کے نام پر کریک ڈاؤن سے کشمیریوں کو علاج تک رسائی نہیں۔ ایک بیان میں انہوں نے کہاکہ مقبوضہ جموں و کشمیر کی صورتحال پر شدید تشویش ہے، کشمیر میں بھارت نے خود مختاری ختم، اظہار رائے پر پابندی عائد کر دی۔برنی سینڈرز نے کہاکہ مقبوضہ جموں و کشمیر میں مواصلات کا مکمل بلیک آؤٹ ہے، سیکیورٹی کے نام پر کریک ڈاؤن سے کشمیریوں کو علاج تک رسائی نہیں۔برنی سینڈرز نے کہاکہ بھارتی ڈاکٹرز کہتے ہیں سفر پر پابندیاں مریضوں
کی زندگی کیلئے خطرہ ہیں۔ انہوں نے کہاکہ بھارت کے یہ اقدامات انتہائی ناقابل قبول ہیں۔انہوں نے مطالبہ کیا کہ مواصلات اور اطلاعات پر پابندی کو ختم کیا جائے۔انہوں نے کہاکہ امریکی حکومت دلیرانہ انداز میں آگے بڑھے۔ انہوں نے مطالبہ کیا کہ امریکا، انسانی حقوق قوانین کی پاسداری کیلئے آواز اٹھائے۔ انہوں نے کہاکہ امریکا، اقوام متحدہ کی قراردادوں، کشمیری عوام کی امنگوں کے مطابق مسئلہ حل کرائے۔ یاد رہے کہ برنی سینڈرز نے 2016ء میں ڈیموکریٹس کی صدارتی نامزدگی حاصل کی تھی،سینیٹر برنی سینڈرز آئندہ 2020ء کے صدارتی انتخابات کیلئے نامزدگی کیلئے کوشاں ہیں۔
