طرابلس (این این آئی)لیبیا کی قومی فوج نے منگل کو علی الصبح مصراتہ کے فضائی اڈے پر موجود ترکی کا ایک اسلحہ بردار جہاز تباہ کردیا۔ یہ ایک ہفتے میں لیبی فوج کی دوسری بڑی کارروائی ہے۔میڈیارپورٹس کے مطابق لیبی فوج کی طرف سے جاری ایک بیان میں کہا گیا کہ ترکی کا ایک مال بردار فوجی طیارہ الیوشن IL76 مصراتہ کے ہوائی اڈے پرموجود تھا۔ اس میں ترکی سے لیبی دہشت گرد تنظیموں اور قومی وفاق حکومت کی حامی ملیشیا کیلیے اسلحہ اور گولہ بارود لایا گیا تھا۔

بیان میں مزید کہا گیاکہ ترکی فوجی جنگی طیاریکو انتہائی محتاط آپریشن میں تباہ کیا گیا۔ طیارے پر بمباری کے دوران شہری آبادی اور شہری املاک کے تحفظ کو یقینی بنایا گیا اور انسانی حقوق کے اصولوں کی مکمل پاسداری کی گئی۔خیال رہے کہ لیبیا کی فوج کی طرف سے مصرات? میں ترکی کے اسلحہ کو تباہ کرنے کی ایک ہفتے میں دوسری بڑی کارروائی ہے۔گذشتہ ہفتے کے روز لیبی فوج اس ہوائی اڈے پر حکومت نواز ملیشیا کے اسلحہ کے گودام پر بمباری کر کے بڑی مقدار میں اسلحہ اور گولہ بارود تباہ کردیا تھا۔لیبی فوج نے الزام عاید کیا کہ مصراتہ کے ہوائی اڈے کو ترکی اسلحہ کی سپلائی کیلیے استعمال کررہا ہے۔ ترکی کی طرف سے لیبیا کی قومی وفاق حکومت کی حامی ملیشیاؤں کو اسلحہ اور گولہ بارود فراہم کیا جا رہا ہے۔خیال رہے کہ لیبیا کی قومی فوج نے جنرل ریٹائرڈ خلیفہ حفتر کی قیادت میں قائم فوج نے 4 اپریل کو طرابلس کو قومی وفاق حکومت سے آزاد کرانے کے لیے فوجی آپریشن شروع کیا تھا۔ وزیراعظم فائز السراج کی قیادت میں طرابلس کی قومی وفاق حکومت کو اقوام متحدہ اور عالمی برادری نے تسلیم کررکھا ہے۔