کراچی(این این آئی)دنیابھرمیں پیٹرول،دھاتیں،اجناس سستی مگرپاکستان میں مہنگی ہوگئیں،حکومت ی جانب سے پٹرول مہنگاکرنے کے باعث نجی شعبے کوبھی اشیاء مہنگی کرنیکی کھلی چھٹی مل گئی۔ اسٹیٹ بینک آف پاکستان کی رپورٹ کے مطابق عالمی مارکیٹ میں ایک سال میں خام تیل 17 فیصد تک سستا ہوا لیکن پاکستان میں اس وقت پیٹرول گزشتہ سال کے مقابلے میں 13.4فیصد اور فرنس آئل27.5فیصد مہنگافروخت ہورہاہے۔عالمی مارکیٹ میں چینی کی قیمت ایک سال کے دوران4 فیصد کم ہوئی لیکن پاکستان میں سستی چینی ملنا تو دورکی بات الٹاگزشتہ سال کے مقابلے میں 31 فیصد

مہنگی کردی گئی، چاول عالمی مارکیٹ میں 8 فیصد سستے ہوچکے ہیں مگروطن عزیزمیں 7سے11فیصد تک مہنگے ہوگئے ہیں۔عالمی مارکیٹ میں سویا بین آئل سستا جبکہ پام آئل کی قیمت میں 5 فیصد اضافہ ہوا لیکن پاکستان میں کوکنگ آئل11.5 فیصد مہنگا کیا جاچکاہے، فرٹیلائزرکی بات کریں تو عالمی مارکیٹ میں ڈی اے پی کھاد16فیصد سستی ہوئی جبکہ پاکستان میں 10فیصد مہنگی،یوریا کی قیمت دنیابھرمیں 4فیصد کم ہوئی مگرپاکستان میں 22.6 فیصد بڑھ گئی، کاٹن کی عالمی مارکیٹ میں قیمت گزشتہ سال سے26 فیصدکم ہوچکی لیکن پاکستان میں 2 فیصد زیادہ ہوگئی ہے۔