اسلام آباد( آن لائن)پاکستان پیپلز پارٹی کے راہنما قمر زمان کائرہ نے کہا ہے کہ کل جنہیں ڈاکو کہا جاتا تھا آج حکومت کے اتحادی اور جنہیں لوٹے کہا جاتا تھا وہ حکومت میں بیٹھے ہیں عام آدمی کی زندگی تنگ ہوتی جارہی ہیں۔ حکومت کے اتحادی بھی پالیسیوں سے پریشان ہیں جمعہ کے روز اپنے ایک بیان میں قمر زمان کائرہ نے کہا کہ ملکی حالات پر آج ہر کوئی سراپا احتجاج ہے ملک کے تاجر اور صنعت کار پریشان ہیں

حکومت کے اپنے اتحادی بھی انکی پالیسیوں سے پریشان ہیں آج عام آدمی کی زندگی تنگ ہوتی جارہی ہے۔ انہوں نے کہا کہ حکمران کل جنہیں ڈاکو کہا کرتے تھے آج وہ ان کے اتحادی ہیں اور جنہیں لوٹے کہا جاتا ہے وہ تحریک انصاف میں احتساب کے نظام پر سوال اٹھا رہے ہیں عام آدمی کی زندگی تنگ ہوتی جارہی ہے حکومت کو ہر میدان میں ناکامی ہوگی سینٹ میں اپوزیشن کی اکثریت ہے چیئرمین سینٹ کو تبدیل کرنے جارہے ہیں۔