ممبئی(نیوز ڈیسک)بالی وڈ اداکارہ نرگس فخری کا کہنا ہے کہ ہر وقت خوبصورت نظر آنا بھی ایک مشکل کام ہے۔ بالی وڈ دیوا اور فلم راک اسٹار سے شہرت حاصل کرنے والی اداکارہ نرگس فخری نے گزشتہ دنوں اپنی خوبصورتی کے بارے میں بتایا کہ بحیثیت اداکارہ ان کو اپنی جلد کا بہت خیال رکھنا پڑتا ہے۔ ان کانجی ٹی وی سے کہنا ہے کہ خوبصورت نظر آنا تو ضروری ہے ہی مگر اس سے زیادہ قابلیت اہمیت رکھتی ہے۔ یہ خوبی انسان کے اندر ہوتی ہے کہ وہ اپنے کام سے کیسے اپنے آپ کو دوسروں سے نمایاں کرتا ہے۔ ان کا مزید کہنا تھا کہ مون سون کے موسم میں اپنے بالوں کو سنبھالنا بہت مشکل ہو جاتا ہے کیونکہ ہوا میں نمی بہت بڑھ جاتی ہے اور اس کیلئے وہ 20 منٹ کا ایک کنڈیشنر لیتی ہیں۔ اداکارہ کا یہ بھی کہنا تھا کہ مون سون میں عام دنوں کی نسبت کلینزنگ اور موئسچرائزنگ زیادہ ضروری ہوتی ہے۔ ان کی کوشش ہوتی ہے کہ وہ قدرتی اجزا سے بننے والے موئسچرائز استعمال کریں۔