لاہور(نیوز ڈیسک) نامور اداکار احسن خان نے کہا کہے کہ ٹی وی اداکاروں کی فلموں میں دلچسپی خوش آئند ہے سینما گھروں کی بحالی کے لئے مقامی فلموں کی ضرورت ہے ۔ میڈیا سے گفتگو کرتے ہوئے انہوں نے کہا کہ پاکستان میں تو ایک دو فلمیں کر لیتا ہوں تاہم بھارت جا کر فلموں میں کام کرنے کے لئے وقت نہیں ہے انہوں نے کہا کہ فلم عشق فدا ، سلطنت کے بعد فلموں کو کچھ وقتہ دے رہا ہوں کیونکہ کچھ ٹی وی پراجیکٹس پر کام تیزی سے جاری ہے انہوں نے کہا کہ کراچی میں کام زیادہ ہونے کے باعث ان کا وقت وہاں گزرتا ہے لاہور میں جب بھی موقع ملتا ہے میں ضرور آتا ہوں انہوں نے کہا کہ ان دنوں ہماری مقامی انڈسٹری میں کام بہت اچھا ہو رہا ہے ہمارے کئی ٹی وی سٹارز کی فلموں میں دلچسپ بڑھنے سے فلم کا معیار بہت اعلی ہوا ہے ۔