اسلام آباد(مانیٹرنگ ڈیسک)حسن ابدال میں عطائی ڈاکٹروں کا دھندہ عروج پر۔عطائی ڈاکٹرز اور اناڑی کمپاؤڈر شہریوں کی جان سے کھیلنے لگے۔ڈاکخانہ سٹاپ کے قریب واقع ظفر ہسپتال کے اناڑی کمپاؤڈر کالا خان کی مبینہ غفلت سے معمر خاتون بازو سے محروم۔تفصیلات کے مطابق حسن ابدال میں ڈاکخانہ چوک کے قریب واقع ظفر ہسپتال کے کالا خان نامی اناڑی کمپاؤڈر نے علاج کے لئے آنے والی گونگے پنڈ کی رہائشی خاتون کو غلط انجیکشن لگادیا۔جس کی وجہ سے خاتون
کا بازو ناکارہ ہو گیا۔جس کو بعد میں آپریشن کر کے بازو کاٹنا پڑ گیا۔متاثرہ خاتون کے اہل خانہ نے جب شور شرابا کیا تو ڈاکٹر ظفر نے کمپاؤڈر کے خلاف کارروائی کرنے کے بجائےاسے تحفظ دینا شروع کر دیا۔متاثرہ خاتون غریب گھرانے سے تعلق رکھتی ہے۔خاتون کے بیٹے نے محکمہ صحت کے اعلی حکام سے انصاف کی اپیل کی ہے۔ڈاکٹر ظفر کاموقف جاننے کے لیے جانے والے صحافی سے بھی ڈاکٹر نے بدتمیزی کرتے ہوئے موقف دینے سے انکار کر دیا۔
