اسلام آباد(مانیٹرنگ ڈیسک) وزیر اعظم شاہد خاقان عباسی نے کہا ہے کہ روپے کی قدر کم ہونے سے مہنگائی صرف اشاریہ 5 فیصد تک بڑھے گی روپے کی قدر میں کمی سے معیشت پر معمولی اثرات مرتب ہوں گے لیکن تجارتی اور جاری کھاتوں کے خسارے پر اس کے مثبت اثرات ہوں گے جب کہ ڈالرکی قدر کا تعین مارکیٹ کرے گی۔جمعہ کے روز غیر ملکی جریدے سے گفتگو کرتے ہوئے

وزیراعظم نے کہا کہحکومت کا روپے کی قدر کم کرنے کا کوئی منصوبہ نہیں، روپے کی قدر کم ہونے سے مہنگائی صرف اشاریہ پانچ5 فیصد تک بڑھے گی۔ وزیراعظم کا کہنا تھا کہ روپے کی قدر میں کمی سے معیشت پر معمولی اثرات مرتب ہوں گے لیکن تجارتی اور جاری کھاتوں کے خسارے پر اس کے مثبت اثرات ہوں گے جب کہ

ڈالرکی قدر کا تعین مارکیٹ کرے گی۔یاد رہے کہ گزشتہ روز انٹرنیشنل مانٹری فنڈ (آئی ایم ایف) کے مشن چیف نے کہا تھا کہ انہوں نے پاکستان میں روپے کی قیمت میں تبدیلی کیلیے کوئی دبا ؤ نہیں ڈالا اور وہ اسٹیٹ بنک کی جانب سے ڈالر کے مقابلے میں روپے کی قیمت میں تبدیلی کا خیر مقدم کرتا ہے۔