اسلام آباد(مانیٹرنگ ڈیسک)یوٹیلٹی سٹورز کارپوریشن آف پاکستان نےدالوں کی قیمتوں میں 5روپے سے لیکر 50روپے تک کمی کا اعلان کر دیا ہے۔یوٹیلٹی سٹورز کارپوریشن آف پاکستان کی جانب سے جن دالوں کی قیمتوں میں کمی کی گئی ہے ان میں دال چنا، مونگ، مسور، ماش اور کالا چنا شامل ہیں۔ دالوں کی قیمتوں
میں کمی کا اعلان کرتے ہوئے کارپوریشن کے ترجمان نے کہا کہ یوٹیلیٹی سٹورز کارپوریشن نے ہمیشہ صارفین کی سہولت کیلئے اعلیٰ معیار اور کم قیمت پر اشیاء خوردونوش فراہم کی ہیں۔دوسری جانب عوام نے اس اقدام کو سراہتے ہوئے اسے پاکستانی کی مڈل کلاس اور غریب کلاس کے شہریوں کیلئے خوش آئند قرار دیا ہے ۔
