کراچی(نیوز ڈیسک )اداکارہ و ماڈل ماہرہ خان نے کہا ہے کہ بھارت میں کام کرنے پر بھارتی انتہاپسندوں کی جانب سے مجھے اب تک کوئی دھمکی نہیں ملی ، زرد صحافت کا سنا تھا آج ایسی خبر دیکھ کر یقین آنے لگا ہے۔ من گھڑت خبر دیکھ کر مجھ سمیت میری فیملی بھی پریشان ہوئی تھی، ایسے لوگوں کے خلاف قانونی کارروائی کرنے کا حق رکھتی ہوں، ڈ رامہ سیریل ہم سفر سے جو شہرت ملی اس کاتصورکبھی نہیں کیا تھا۔ان خیالات کااظہار انہوں نے نمائندہ نجی ٹی وی سے گفتگو کرتے ہوئے کیا۔ ان کا کہنا تھا کہ بھارتی فلموں میں کام کرنے کافیصلہ کر کے چیلنج قبول کیا ، لیکن اصل شہرت اپنے ملک میں ملنے پر بہت خوشی ہوتی ہے ، شعیب منصور کی ڈائریکشن میں کام کرکے بہت کچھ سیکھا، یکسانیت سے بچنے کے لئے منفر د کرداروں کی تلاش میں ہوں۔
انہو ں نے کہا کہ فلم ہو من جہاں میں بشریٰ انصاری ، عدیل حسین اور منور شہر یار کے ساتھ کام کرکے لطف آیا۔شو بز کی دنیا میں شہرت کا چاند ایک مختصر عرصے تک کسی ایک فنکارہ کے لئے مختص ہوجاتا ہے ، ذاتی طور پر کسی بھی شعبے میں نمبر ون کی دوڑ میں شامل ہونے کی قائل نہیں۔