ممبئی (نیوز ڈیسک) دپیکا پڈوکون کے حال ہی میں سامنے آنے والے ویڈیو پیغام ”مائی چوائس“ کے بعد کنگنا راناوت نے بھی ایسا ہی ویڈیو پیغام ریکارڈ کروا دیا ہے جس میں انہوں نے والدین کو مشورہ دیا ہے کہ وہ نوجوانوں کو پیشوں کے انتخاب میں مکمل آزادی دیں۔ دپیکا کی ووگ امپاورمنٹ پروجیکٹ کے سلسلے کی ویڈیو کے مقابلے مین کنگنا کی ”سپنے“ اس قدر جارحانہ محسوس نہیں ہوتی ہے تاہم اس میں بھی کنگنا اپنے خوابوں کو پالینے کا تذکرہ کرتے ہوئے اپنی باغیانہ سوچ کا بتاتی ہیں جب وہ بالی وڈ میں قدم رکھنا چاہتی تھیں۔مائیکروسافٹ کی جانب سے سپانسر کی گئی اس ویڈیو میں کنگنا والدین کو درس دیتی ہیں کہ وہ اپنی بچیوں میں ان کے خوابوں کو پالینے کی خواہش کو سمجھیں اور ان کی راہ میں رکاوٹ نہ بنیں۔