دبئی (نیوز ڈیسک ) سائنسدانوں کےمطابق دنیا کے پہلی کلون کی گئی اونٹنی اب حاملہ ہے۔انجاز نامی اس اونٹی جس کے معنی کامیابی کے ہیں کو سنہ 2009 میں ذبح کیے گئے ایک اونٹ کے بیضے سے حاصل کردہ خلیوں سے بنایا گیا تھا۔ جس نے ایک دوسری ماں کی کوک میں نشوونما پائی۔بدھ کو یہ اونٹی چھ برس کی ہوگئی اور اب خود بھی ماں بننے والی ہے۔متحدہ عرب امارات کے’ریپروڈکٹیوو بائیوٹیکنالوجی سینٹر‘ کے ڈائریکٹر ڈاکٹر نثار وانی کا کہنا ہے کہ ’اس اونٹنی میں قدرتی طریقے سے حمل ٹھہرا ہے جس سے یہ بات ثابت ہوتی ہیں کلون کیے گئے اونٹ ذرخیر ہوتے ہیں اور یہ بھی قدرتی طریقے سے تولید کر سکتے ہیں۔ ‘ڈاکٹر وانی کے مطابق اس سال اونٹنی کے بچے کی پیدائش ہو جائے گی۔انجاز کی پیدائش کے کچھ دن بعد جب اسے دنیا کے سامنے لایا گیا تو اسے سائنس کی دنیا میں بڑی کامیابی قرار دیا گیا جس کے ذریعے ریس مقابلوں میں بھگائے جانے والے اور دودھ دینے والے دونوں طرح کے اونٹوں کی جینیات کو ذخیرہ کر کے ان کی آبادی کو بڑھایا جا سکتا ہے۔اس کے بعد سے اب تک کئی جانوروں کو جینیاتی کلوننگ کے ذریعے پیدا کیا گیا ہے جن میں اونٹوں مقابلہ حسن جیتنے والے اونٹ کے خلیوں سے پیدا کردہ اونٹ بھی شامل ہے۔