ممبئی (نیوز ڈیسک) بالی وڈ اداکار سلمان خان کو بالی وڈ کا سب سے مقبول ادکار سمجھا جاتا ہے تاہم اب سلمان کی شہرت کے بارے میں ایک اور ثبوت بھی حاصل ہوا ہے اور وہ یہ ہے کہ سلمان خان انٹرنیٹ کی دنیا کے بھی مقبول ترین کردار ہیں۔ ٹائمز آف انڈیا کی جانب سے منعقد کئے گئے اس سروے میں سلمان خان کا سامنا شاہ رخ خان، اکشے کمار، سیف علی خان اور ہریتک روشن جیسے اداکاروں سے تھا تاہم اکثریت نے سلمان خان کو انٹرنیٹ پر سب سے زیادہ سرچ کی جانے والی بالی وڈ شخصیت کا خطاب دیا۔ متعدد کیسز میں ملوث ہونے کے سبب آئے دن بھارتی عدالتوں کے چکر کاٹنے والے سلمان کی وجہ شہرت ان کی نرم طبیعت اور سماجی سرگرمیوں میں بڑھ چڑھ کے حصہ لینا ہے۔ اس کے علاوہ بالی وڈ میں نووارد اداکاروں کے سر پر ہاتھ رکھنے کے حوالے سے بھی سلمان کا کوئی مقابلہ نہیں کرسکتا ہے اور یہی اسباب مل کے ان کی شہرت کا باعث بنے ہیں۔