کراچی (نیو زڈیسک) کراچی میں جاری پاکستان فیشن ویک2015آج مکمل ہوجائے گا۔ آج کے شو میں سونیا باٹلا، دامن، رضوان اللہ، دیپک پروانی، آمنہ عقیل اور شامیل انصاری کے ملبوسات کی نمائش کی جائے گی۔ فیشن ویک کیلئے ڈیزائنرز نے موسم گرما اور شادیوں کے سیزن کو مد نظر رکھتے ہوئے نیٹ، آرگنزا، شفون اور سلک کو اپنی ملبوسات کی تیاری کیلئے استعمال کیا ہے۔ اس چار روزہ فیشن ویک میں سگریٹ پینٹس، کیپ سلیوز اور ٹیونکس کا رجحان سامنے آیا جبکہ چوڑے پانچوں والے ٹراو¿زرز اکا دکا دکھائی دیئے۔ چار روزہ فیشن ویک اس لحاظ سے بے حد اہمیت کا حامل ہے کہ یہ انٹرنیشنل فیشن کونسل سے منسلک ہے، یہی وجہ ہے کہ یہاں اپنے ملبوسات پیش کرنے والی ڈیزائنرز کو عالمی سطح پر شہرت ملنا یقینی تصور کیا جاتا ہے۔ اس فیشن شو کے پہلے تین دن میں اپنے ملبوسات پیش کرنے والوں میں زارا شاہجہاں ، ثانیہ مسکاٹیا، عامر عدنان، حسن شہریار یاسین، کانچی اینڈ لغاری، گل احمد، فہد حسین، صنم چودھری، جعفر جیز، ظہیر عباس، وردہ سلیم، عنایا، مدیحہ رضا اور لالہ ٹیکسٹائل اہم ہیں۔