اسلام آباد(نیوز ڈیسک)اسلام آباد میں پی ٹی آئی رہنماﺅں اعظم سواتی اور شبلی فراز کی گرفتاری کیلئے چھاپے مارے گئے، عمران خان نے چھاپوں کو غیرجمہوری قرار دیدیا۔اعظم سواتی اور شبلی فراز پر تحریک انصاف کے دھرنے کے دوران کارکنوں کو پولیس حراست سے چھڑانے کا الزام ہے۔ دونوں رہنماو¿ں کے خلاف اسلام آباد کے تھانہ مارگلہ میں مقدمہ درج ہے۔ پی ٹی آئی سربراہ عمران خان نے دونوں رہنماو¿ں کی گرفتاری کیلئے چھاپوں کی مذمت کی ہے۔ انہوں نے کہا کہ حکومت پی ٹی آئی کے خلاف اوچھے ہتھکنڈوں پر اتر آئی ہے۔