لاہور(آئی این پی) لاہور ائیر پورٹ پرکسٹم اور وائلڈ لائف نے مشترکہ کارروائی کرتے ہوئے سعودی عرب سے آنے والے مسافر سے 60 نایاب کبوتر برآمد کر لئے ۔ تفصیلات کے مطابق پی آئی اے کی جدہ سے لاہورآنے والی پروا زپی کے 760کے ذریعے 60نایاب کبو تر لانے والا مسافر دھر لیا گیااوراس سے پوچھ گچھ کی گئی۔

محکمہ کسٹم کی ٹیم نے فورا کارروائی کرتے ہوئے کبو تروں کو وائلڈ لائف کے حوالے کر دیا مسافر کو سعودی عرب سے ڈیپورٹ کیا گیا تھا ۔محکمہ وائلڈ لائف کی ٹیم نے کبوترو ں کو چھوڑنے کے 25ہزار روپے جرمانہ عائد کر نا چا ہا جس پرمسافر نے جرمانہ دینے سے انکار کردیا ،،اب معاملے کوعلاقہ مجسٹریٹ کی عدالت میں پیش کیا جائے گا۔