لاہور (آن لائن) شعیب ملک نے شادی کی سالگرہ پر ایسا تحفہ دیدیا کہ ثانیہ مرزا خوشی سے نہال ہو گئیں ,ویسٹ انڈیز کے خلاف آخری اور اہم ترین ون ڈے میچ میں شاندار پرفار منس دینے پر شعیب ملک کو ان کی اہلیہ ثانیہ مرزا نے مبارکباد دے دی۔تفصیلات کے مطابق مائیکرو بلاگنگ ویب سائٹ ٹوئٹر پر ثانیہ مرز ا نے اپنے شوہر کے
نام پیغام جاری کرکے شعیب ملک کی شاندار سنچری پراور پاکستان کی فتح کا جشن منانے کے ساتھ ساتھ انہیں داد بھی دی۔پاکستانی سوشل میڈ یا صارفین نے ثانیہ مرز ا کے ٹوئٹ پیغام کو خوب سراہا اور شادی کے7 سال کامیابی سے مکمل ہونے پر انہیں خوب داد دیتے ہوئے جوڑے کے لیے نیک تمنائوں کا اظہار کیا۔
