لاہور (مانیٹرنگ ڈیسک) قومی کرکٹر بلاول بھٹی بھی محکمہ ایکسائز اینڈ ٹیکسیشن کے اہلکاروں کے ہتھے چڑھ گئے جنہوں نے ان کی گاڑی پر لگی غیر نمونہ نمبر پلیٹ اتار دی۔تفصیلات کے مطابق لاہور میں سیف سٹی پراجیکٹ کے تحت گاڑیوں پر غیر نمونہ نمبر پلیٹیں لگانا ممنوع ہے اور محکمہ ایکسائز اینڈ ٹیکسیشن نے اس حوالے سے
مہم کا آغاز کر رہا ہے۔ اسی مہم کے تحت آج بھی محکمہ ایکسائز اینڈ ٹیکسیشن کی 8 ٹیمیں لاہور شہر کے 4 مختلف مقامات پر موجود ہیں اور گاڑیوں کی نمبر پلیٹیں تبدیل کر رہی ہیں، قومی کرکٹر بلاول بھٹی بھی ایک ٹیم کے ’قابو‘ آ گئے۔پولیس اہلکاران کا قومی کرکٹر کو کہناتھا کہ آپ کرکٹر ہیں اور قومی ہیرو ہیں لیکن قانون سب کیلئے برابر ہے۔
