اسلام آباد/کنگسٹن(آئی این پی)ویسٹ انڈیزکرکٹ ٹیم کے سابق کپتان ڈیرن سیمی نے وزیراعظم نوازشریف کو سالگرہ کی مبارکباد دیتے ہوئے کہا ہے کہ وزیراعظم پاکستان اپنی سالگرہ کا دن انجوائے کریں۔ تفصیلات کے مطابق اتوار کو ویسٹ انڈیز کرکٹ ٹیم کے سابق کپتان ڈیرن سیمی نے وزیراعظم نوازشریف کو سالگرہ کی مبارکباد پر خصوصی ویڈیو پیغام جاری کردیا۔ ویڈیو پیغام میں انہوں نے کہا کہ دسمبر میں پیدا ہونے والے اعلیٰ خصوصیات کے حامل ہوتے ہیں ، وزیراعظم نوازشریف کو سالگرہ کی مبارکباد دیتا ہوں ، پاکستانی وزیراعظم آج کا دن انجوائے کریں۔ واضح رہے کہ ڈیرن سیمی کی تاریخ پیدائش 20دسمبر ہے۔