لاہو ر(این این آئی )خیبرپختونخوا بھی پنجاب کے نقش قدم پر چل پڑا،پرویز خٹک نے وہ اعلان کردیا جس کی تحریک انصاف ہمیشہ مخالفت کرتی رہی،میٹرو بس شروع کرنے کا اعلان،وزیر اعلیٰ خیبر پختونخواہ پر ویز خٹک نے کہا کہ پارٹی کی پر زور فرمائش پر میں نے بھی خیبرپختونخواہ میں میگا پر اجیکٹس بنانے شروع کر دئیے ہیں، چند ہی دنوں میں میٹرو بس بھی بننا شروع ہو جائے گی ،

خیبرپختونخواہ کو بنی گالہ سے ہر گزنہیں چلایا جا تا اور میں نے کبھی بنی گالا سے ہدایات نہیں لیں ، خیبر پختونخواہ میں احتساب کمیشن کرپشن کے معاملے پر پلی بارگین نہیں کرتا ۔ نجی ٹی وی کو انٹرویو کے دوران انہوں نے کہا کہ سال 2018ء کے انتخابات میں پی ٹی آئی اپنی کا رکردگی کے حوالے سے تمام جماعتوں کے مقابلے میں پہلے نمبر پر آئے گی ،ہم نے اس بات کو یقینی بنا یا کہ عوام کیلئے سیاست کی جائے اور ان کیلئے فلاحی خدمات سرا نجام دی جائیں ،صوبے کے تمام ادارے بخوبی کا م کر رہے ہیں ، احتساب کمیشن مکمل طورپر آزاد اور خود مختا رہے ، یہاں ایسا نہیں ہے کہ جیسے وفاق میں حکومت او راپو زیشن نے ملی بھگت سے احتساب کمیشن کے چیئرمین کا تقرر کر رکھا ہے ، اسی لیے ہی وہ ان دونوں کے اراکین کونہیں پوچھتا، ہمارے احتساب کمیشن کا چیئرمین نہ تو حکومت کا ہے اور نہ ہی اپو زیشن کا ، خیبر پختونخواہ میں کرپشن کے معاملے پر کوئی پلی بارگین نہیں ہوتا ۔ انہوں نے کہا کہ ہمارے صوبے میں کوئی وی آئی پی کلچر نہیں ہے اور نہ ہی میں نے کبھی ٹریفک روٹ لگوایاہے ، خیبر پختونخواہ میں کسی کیلئے بھی ٹریفک کو روکنے کی اجازت نہیں ہے ۔