اسلام آباد (آئی این پی)تین مرتبہ وزارت عظمیٰ کے عہدہ پر فائز ہونے والے وزیر اعظم پاکستان اور پاکستان مسلم لیگ ن کے قائد میاں نواز شریف67 برس کے ہو گئے ہیں ان کی67ویں سالگرہ آج اتوار کو منائی جائے گی۔ مسلم لیگ ن کے زیر اہتمام ملک بھر میں سالگرہ کی تقریبات منعقد کی جائیں گی جس میں سالگرہ کے کیک کاٹے جائیں گے اور میاں محمد نواز شریف کی درازی عمر کیلئے دعائیں مانگی جائیں گی۔

پاکستان کے 18ویں وزیر اعظم میاں محمد نواز شریف 25دسمبر 1949ء کو لاہور میں پیدا ہوئے وہ تین مرتبہ پنجاب کے وزیر اعلیٰ اور دو مرتبہ پاکستان کے وزیر اعظم رہ چکے ہیں جبکہ اب وہ تیسری مرتبہ وزیراعظم بنے ہیں انہوں نے غلام اسحٰق خان،وسیم سجاد،فاروق لغاری،رفیق تارڑ،آصف زرداری کے ساتھ کام کیاانہیں مشرف وور میں جیل بھجوایا گیا جبکہ وہ سات برس تک جلا وطن بھی رہے۔ وہ پاکستان کے مقبول ترین سیاستدان ہیں۔