کراچی(آئی این پی)لیاری میں ارشد پپو قتل کیس میں ملوث پیپلزپارٹی کے گرفتار ممبر قومی اسمبلی شاہ جہاں بلوچ کی ضمانت منظور ہونے کے بعد انہیں ہفتہ کی شام سینٹرل جیل کراچی سے رہا کردیا گیا،شاہ جہاں بلوچ کا استقبال کرنے کے لئے لیاری سے تعلق رکھنے والیے پیپلزپارٹی کے ممبر صوبائی اسمبلی جاوید ناگوری اور کارکنان بڑی تعداد میں سینٹرل جیل پہنچے اور شاہ جہاں بلوچ کا استقبال کیا،کارکنان ڈھول کی ٹھاپ پر رقص کرتے رہے اور انہوں نے شاہ جہاں بلوچ کو رہائی پر مبارک باد دی،اس موقع پر رہائی پانے والے رکن قومی اسمبلی شاہ جہاں بلوچ نے میڈیا سے گفتگو کرتے ہوئے کہا کہ رہائی پر خوش ہیں ان کے خلاف جھوٹا مقدمہ بنایا گیا ہے،ممبر قومی اسمبلی شاہ جہاں بلوچ سینٹرل جیل سے رہائی کے بعد ریلی کی شکل میں لیاری پہنچے۔