لاہور( این این آئی)محکمہ موسمیات نے دھند کا سلسلہ مزید دو روز جاری رہنے کی پیشگوئی کرتے ہوئے کہا ہے کہ اگلے دس دن تک بارش کا کوئی امکان نہیں۔چیف میٹرولوجسٹ محمد ریاض نے گفتگو کرتے ہوئے کہا کہ لاہور میں دھند کا سلسلہ مزید دوروز جاری رہے گا جبکہ پنجاب کے میدانی علاقوں میں اگلے ہفتے تک دھند رہے گی۔ ان کا کہنا تھا اگلے دس دن تک بارش کا کوئی امکان نہیں۔ جنوری کے دوسرے ہفتے میں سردی کی شدت بڑھے گی۔ شمالی علاقہ جات میں بارشوں اور برف باری کے بعد ہی سردی کی شدت میں اضافہ ہو گا۔