اسلام آباد(مانیٹرنگ ڈیسک)پنجاب میں ہونے والے بلدیاتی انتخابات میں حکمران جماعت مسلم لیگ (ن) نے غیرحتمی وغیرسرکاری نتائج کے مطابق پنجاب بھرکے 25اضلاع میں نشتیں جیت کرسرفہرست آگئی ہے ۔

ایک نجی ٹی وی کے مطابق پنجاب بھرسے 33ضلع کونسلوں میں 25پرمسلم لیگ (ن) ،7پرآزادامیدوارجبکہ ایک نشت پرمسلم لیگ (ق) نے کامیابی حاصل کی ہے جبکہ تحریک انصاف کوئی بھی نشت حاصل نہ کرسکی جبکہ تحریک انصاف نے مختلف اضلاع میں دوسری پارٹی کے امیدواروں کوسپورٹ کیاہے جس کی وجہ سے فیصل آبادمیں راناثنااللہ گروپ نے تحریک انصاف کی نشتوں کی وجہ سے کامیابی حاصل کی ہے

تاہم ابھی میونسپل کمیٹیوں کے صرف 11نتائج موصول ہوئے ہیں جن میں10نشتیں ن لیگ جبکہ ایک نشت پرآزاد امیدوارنے کامیابی حاصل کی ہے ،ق لیگ اورتحریک انصاف ابھی تک موصولہ نتائج کے مطابق کوئی نشت حاصل نہیں کرسکی ہیں ۔