اسلام آباد(مانیٹرنگ ڈیسک) جنید جمشید کی قبر کی صفائی کرنے والے نے حیران انکشافات کر دیئے۔ تفصیل کے مطابق سوشل میڈیا پر جاری ایک وڈیو میں گفتگو کرتے ہوئے قبرستان کی صفائی کرنے والے شخص کا کہنا تھا کہ جمعرات کو ہم نے جنید جمشید کی یہ قبر تیار ہوتے ہوئے دیکھی تھی جس کے بعد سوموار والے دن سے جنید جمشید کی قبر سے ہلکی ہلکی خوشبو آنی شروع ہو گئی۔
منگل والے دن میں نے جنید جمشید کی قبر کی صفائی کی تو اس وقت بھی بھینی بھینی خوشبو آ رہی تھی۔ جس جمعرات کو جنید جمشید کی تدفین ہوئی اس دن میں آخری بار قبر کی صفائی کرنے کیلئے نیچے اترا تو اس میں سے بہت تیز خوشبو آرہی تھی۔ تدفین والی جمعرات کے دن فجر کے بعد سے ہی جنید جمشید کی قبر سے بہت تیز خوشبو شروع ہو گئی تھی۔