کراچی (این این آئی) کراچی کی انسداد دہشت گردی کی خصوصی عدالت میں ایم کیو ایم پاکستان اور لندن کے رہنما ایک دوسرے سے بغلگیر ہوگئے ۔تفصیلات کے مطابق بدھ کو ایم کیو ایم لندن کے رہنماؤں پروفیسر حسن ظفر اور امجد اللہ کو عدالت میں پیش کیا گیا ۔
اس موقع پر ایم کیو ایم پاکستان کے رکن سند ھ اسمبلی محفوظ یار خان ایم کیو ایم لندن کے رہنماؤں سے ملاقات کے لیے پہنچ گئے اور انہوں نے پروفیسر حسن ظفر عارف اور امجد اللہ سے ملاقات کی اور انہیں گلے لگایا ۔اس موقع پر میڈیا سے گفتگو کرتے ہوئے محفوظ یار خان نے کہا کہ یہ میری ہی جماعت کے لوگ ہیں میں ان سے ملاقات کرنے کے لیے آیا ہوں ۔
