اسلام آباد(مانیٹرنگ ڈیسک) نایاب نسل کے پرندوں (تلور) وغیرہ کے شکار کیلئے قطری شہزادوں کا ایک اور 51رکنی وفد سندھ کے اہم شہر سکھر میں پہنچ گیا۔ قطری شہزادوں کے وفد کا سکھر پہنچنے پر بھرپور استقبال کیا گیا اور انہیں انتظامیہ کی جانب سے ظہرانہ بھی دیا گیا ہے۔ وفد خصوصی طیارے کے ذریعے سکھر ایئر پورٹ پر پہنچا ہے اور انہیں سرکٹ ہاؤس میں ٹہرایا گیا ہے۔ قطری شہزادوں کے وفد کو سخت سیکورٹی بھی فراہم کی گئی ہے۔ واضح رہے کہ قطری شہزادوں کا ایک وفد پہلے سے ہی قیمتی ممنوعہ پرندے ’’تلور‘‘ کا شکار کرنے کیلئے پاکستان میں موجود ہے اور ملک کے مختلف شہروں میں شکار کھیل رہا ہے۔

موضوعات:تلور